تحریری مقابلہ
نفرت سے اور پیار سے آگے کی چیز ہوں
میں وحشت و قرار سے آگے کی چیز ہوں
Nafrat se aur pyar se agey ki cheez hun
Mai wehshat o qarar se agey ki cheez hun
مجھکو پکڑ نہ پائے گا یہ عشقِ نا مراد
یعنی رہِ فرار سے آگے کی چیز ہوں
Mujhko pakad na payega ye ishq e naa murad
Yani rah e farar se aagey ki cheez hun
دونوں کی مجھ سے رکھیو نہ امید ہم نشیں
دھوکے سے اعتبار سے آگے کی چیز ہوں
Dono ki mujhse rakhiyo na ummeed ham nashee'n
Dhoke se aitbar se agey ki cheez hun
طائر کھلی فضا کا ہوں، ہوں خود میں قید بھی
آزادی و حصار سے آگے کی چیز ہوں
Tayir khuli faza ka hun, hunkhud me qaid bhi
Aazadi o hisaar se agey ki cheez hun
موسم ہوں آہ و گریہ کا یعنی میں دوستاں
پتجھڑ سے اور بہار سے آگے کی چیز ہوں
Mausam hun aah o giriya ka yani mai dosto
Patjhad se aur bahar se agey ki cheez hun
مجھ پہ نہ کر سکے گا حکومت کسی کا عشق
یاروں میں اقتدار سے آگے کی چیز ہوں
Mujhpe na kar sakega hukumat kisi ka ishq
Yaro mai iqtedar se agey ki cheez hun
مجھکو فتح جو کرنا ہے تو التجائیں کر
کیونکہ میں کارزار سے آگے کی چیز ہوں
Mujhko fatah jo karna hai to iltehayein kar
Kyunki mai kaarzaar se agey ki cheez hun
میں ہوں فقیر اور تو بنتِ شہِ جہاں
جاناں! ترے شمار سے آگے کی چیز ہوں
Mai hun faqeer aur tu bint e shah e jaha'n
Jaana'n tere shumar se aagey ki cheez hun
دل نے مرے کہا کہ اے عابد تو جان لے
میں تیرے اختیار سے آگے کی چیز ہوں
Dil ne mere kaha ki aye Abid tu jaan le
Mai tere akhtiyaar se agey ki cheez hun
سید تہذیب عابد
Simran Bhagat
07-Apr-2022 01:13 PM
Nice
Reply